DERDHJA OSE EJAKULIMI I PARAKOHSHËM SI SHQETËSIM I PËRHERSHËM PËR MESHKUJT

Gjithmonë ka qenë një subjekt i ndjeshëm që gjeneron shqetësime të konsiderueshme tek burrat. Ne po flasim për një çrregullim që ndikon jo vetëm në marrëdhëniet seksuale, por edhe në cilësinë e jetës së atyre që vuajnë nga ajo, duke shkaktuar një ndjesi të sëmundjes dhe pakënaqësisë.

 Për çfarë bëhet fjalë?

Derdhja e parakohshme është një mosfunksionim i zakonshëm seksual (rreth 20-30% e burrave të moshës 16 deri në 70 vuajnë nga ajo) që konsiston në vështirësinë e vonimit të orgazmës. Zakonisht koha e derdhjes së parakohshme është ndërmjet 60 sekonda dhe 2 minuta dhe madje mund të ndodhë pas stimulimit të parë seksual, por gjithçka ndryshon nga personi në person.

Shumicën e kohës shkaqet e këtij çrregullimi janë psikologjike, në veçanti ato mund të lidhen me ankthin e performancës, pakënaqësinë me imazhin e trupit tonë, depresionin ose dhe përvojat negative seksuale. Në raste të tjera, megjithatë, mosfunksionimi përcaktohet nga shkaqe të jashtme të tilla si marrja e substancave të tilla si droga, alkooli dhe ilaçet. Rrallë mund të ndodhë që shkaqet të gjenden në problemet fizike.

Shumë shpesh ky lloj çrregullimi ka pasoja në marrëdhëniet e çiftit, duke shkaktuar konflikte, keqkuptime dhe intoleranca që forcojnë dhe përkeqësojnë simptomat e saj në vazhdimësi.

Pasojat në një nivel psikologjik mund të jenë të ndryshme: vetëvlerësim i ulët, një ndjenjë e papërshtatshmërisë, zhgënjimit dhe një rënie e dëshirës seksuale dhe kënaqësisë me pasoja në marrëdhëniet në çift.

Sa tipologji ekzistojnë për derdhjen/prishjen e parakohëshme ose të shpejtë?

Në përgjithësi, prishjen e shpejtë e gjejmë midis më të rinjve që përballen me marrëdhëniet e para seksuale dhe zakonisht ky "çrregullim" tenton të ulet më pas me përvojën. Herë të tjera, veçanërisht nëse problemi nuk adresohet në mënyrën e duhur, gjendja e çrregulllimit mund të stabilizohet dhe të zgjasë për vite me radhë apo edhe një jetë të tërë.

Duke hyrë në specifika, ne e kuptojmë se si ekzistojnë lloje të ndryshme të saj sipas nivelit të shpejtësisë së derdhjes:

1. Ejakulimi Primar ose "Gjatë gjithë jetës": shfaqet që nga marrëdhënia e parë seksuale;
2. Derdhja sekondare: zhvillohet më vonë dhe shpesh lidhet me humbjen e besimit në aftësinë e dikujt për të mbajtur ereksionin gjatë kohëzgjatjes së marrëdhënieve seksuale;
3. Ejakulimi i Përgjithshëm: është i pranishëm vazhdimisht në marrëdhëenie edhe nëse partnerja ndryshon;
4. Derdhja/prishja sipas situatës: kur ajo është e kufizuar në një marrëdhënie me një partnere ose në rrethana të caktuara.

A mund të zgjidhet?

Së pari, duhet thënë se nëse vuani nga derdhje e parakohshme, nuk duhet të keni turp! Ajo është një problem që mund të zgjidhet, zakonisht përmes trajtimeve psikologjike dhe / ose farmakologjike.

Për më tepër, është mirë të mbani mend se partneri gjithashtu përjeton një gjendje të keqe psikologjike dhe shpirtërore, gjë që mund të përkeqësojë pa vetëdije vetë çrregullimin. Sigurisht që nuk është e lehtë të jetosh me ata që e kanë këtë problem dhe në disa raste ne priremi të mendojmë se derdhja e parakohshme është një tregues i egoizmit dhe mungesës së vëmendjes ndaj dëshirës seksuale të tjetrit.

1. Hapi i parë në adresimin e problemit është sigurisht të flasësh pa frikë për këtë me partneren dhe pastaj të kontaktoni me personat e specializuar, sidomos terapistët e seksit, që mund ta drejtojnë apo dhe udhëzojnë çiftin me një "edukim të shëndetshëm seksual”.
2. Ndërkohë, ekzitojnë dhe një seri ushtrimesh progresive që shpesh përshkruhen për të përmirësuar kontrollin e prishjes së shpejtë. Në këtë drejtim, praktika "stop-start" është akoma efektive për trajtimin e çrregullimit; ajo konsiston në stimulimin e penisit derisa të arrihet zgjimi/ereksioni maksimal dhe ndalimin e stimulimit pikërisht kur orgazma është në mbërritje.
3. Një tjetër mundësi lidhur me përmirësimin e zgjatjes së prishjes janë dhe stimuluesit në formë xheli, kremi apo spraj, që mund ti gjeni në dyqanet e specialzuara te seksit (sex shop) duke orfuar produkte të certifikuara me bazë bimore dhe apa efekte anësore për të përmirësuar këtë crregullim si dhe për një mirëqënie seksuale në çift.